Enfòmasyon sou TekEnfo

Byenvini sou TekEnfo Solutions

Jodi a mond lan enfomatize, li konekte, biznis kap mache ak papye oubyen biznis ki sou yon sèl òdinatè pap fè kantite pwofi yo ta dwe fè a ni yo pap jwenn kantite kliyan yo reve a

Èske w te konnen grasa yon sit entènèt, mon toupatou nan mond lan gen aksè ak Enfòmasyon ou mete sou sit ou a ? Kit se yon lekòl, yon radyo, yon biznis, yon mouvman sosyal ak anpil lòt bagay toujou, ou ka ogmante kantite moun ki gen aksè ak sevis wap bay la gras ak yon sit entènèt. Men èskew te konnen tou se pa tout sit entènèt ki ap baw viziblite ak odyans ou merite a. Sou pwen sa TekEnfo gen solisyon pou ou. Kèlkeswa sit la, pou kèlkeswa aktivite a, TekEnfo ap baw yon sèvis ou pap jwenn ankenn lòt kote epi ak pri piyay.

Nou kreye sit entènèt sou tout platfom popilè yo pou kliyan nou yo. Anplis, nou kreye komès/boutik an liy pou kliyan nou yo. Nou travay men nan men ak kliyan yo pou nou pote bon rezilta pou yo .Nou kreye sit tou ki espesyal, nan nenpòt lang, sitou Kreyol. Sit ki espesyal la vle di sit ou pap jwenn yon modèl ki pwòch li sou platfòm popilè yo. Kliyan an ban nou ide a, epi nou materyalize l.

Nou fè plis pase sit entènèt. Biznis nou nan TekEnfo se fè lojisyèl pou tout kalite bezwen w. Kreyasyon yon sistèm enskripsyon, pataj dokiman, kou an liy, elatriye pou lekòl. Pou biznis, nou kreye sistem an liy pou alpikasyon pou travay, baz done pou pwodui ak sevis biznis la. Nou bay sèvis radyo an liy, podcast, nou fe mobil aplikasyon pou biznis ak lòt ankò.

Nou fè graphic design, nou fè piblisite an liy. Nou bay sèvis email pou biznis. Voye imèl ki atiran bay kliyan biznis ou yo pou yo retounen vin pran sèvis ou ankò. Nou gen anpil lojisyèl ak aplikasyon kap ede tout biznis fonksyone pi byen.

Kiyès nou ye

Nou se TekEnfo Solutions

Antanke yon konpayi 100% Ayisyen, nou konprann sitiyasyon ak reyalite peyi a, se sak fè lojisyèl nou yo konpatib ak tout sistèm

Nou travay men nan men ak kliyan nou yo, se kòmsi se ou ki tap fe pwojè w la tèlman nou mete w okouran sou tout faz nan pwojè a. Pwogram nou fè yo konpatib ak sistèm kap itilize nan peyi a, nou inove, nou ` anbeli epi nou pote fonksyonalite otomatik. Anplis, pri nou yo bat tout pri pou sèvis nap ofri a. Nou se sous la, pwojè w la pap pase nan plizye men oubyen lòt moun ou pa an kontak ak yo. Nou fyè de sa.

Anpil konpayi nan domèn nan itilize ide ou ba yo a an gwo epi apre kek tan yo pote yon pwodui montrew pou diw siw dakò. TekEnfopa konsa. Ou an kontak dirèk ak enjenyè kap travay sou pwojew la, se moun ki kalifye e ki gen eksperyans nan domèn nan. Konsa, chak pa ki fet nan pwoje a ou gen aksè a wè l e siw vle yon chanjman ou ka mande l tousuit. Pwoksimite kliyan an ak Ekip nou an se sa ki fè TekEnfo diferan, li bay pi bon sèvis epi li pi rapid.

Nou fe konsiltasyon nan domèn enfomatik. Sa vle di, si w gen yon ide, yon pwoje, ekip konsiltasyon nou an ap ka ede w konprann kisa w bezwen pou reyalize pwojè a e nou ka menm baw yon estimasyon sou konbyen sa ap koutew pou TekEnfo materyalizel, oubyen nou ka refere w lòt sevis pou w itilize si TekEnfo pa bay sèvis ou ap gen bezwen an.